Ақпарат алу үшін

• Журнал жайында ақпарат

  Қазақ ұлттық хореография академиясының ғылыми журналы.

  ISSN 2523-4684

  e ISSN 2791-1241

  Қазақстан Республикасының Ақпарат және қоғамдық даму министрлігі Ақпарат комитетінің мерзімді баспасөз басылымын, ақпарат агенттігін және желілік басылымды есепке қою туралы 02.02.2022 жылы берілген № KZ77VPY00045494 куәлік.

  Шығу жиілігі: жылына 4 рет

  Редакция мекен-жайы: Астана қ., Ұлы Дала даңғылы, 43/1, 470 офис

  Тел.: 8 (7172) 790-832

  E-mail: artsballet01@gmail.com

  Журналдың мақсаты

  Қазақстандық хореографиялық өнерді дамытуға, оның жетістіктерін ғылыми және оқу процесіне енгізуге, сондай-ақ хореография саласында жоғары білікті кадрларды даярлау кезіндегі маңызды құралдардың бірі болу.

  Журналдың міндеттері

  • отандық және шетелдік ғалымдардың ғылыми-зерттеу, ғылыми-практикалық және эксперименттік қызметінің нәтижелерін көрсету;
  • зерттеу нәтижелерімен танысу;
  • Академияның ғылыми ортасын қалыптастыру және ғылымдағы негізгі жетістіктерді насихаттау;
  • елдегі және әлемдегі хореографиялық өнердің өзекті мәселелері бойынша пікір алмасу үшін "алаң" ұсыну;
  • хореографиялық өнерді оқыту тәжірибесімен алмасу;
  • пәнаралық және қолданбалы зерттеулер мен талдау әдістерін енгізу;
  • хореографиялық өнердегі оқытудың инновациялық және озық әдістері мен әдістемелерін тарату.

  Басқару аппараты:

  • Бас редактор
  • Жауапты редактор
  • Редакциялық алқа
• Редакция алқасы

  Редакциялық алқаның төрағасы

  Нүсіпжанова Б. Н. – педагогика ғылымдарының кандидаты, профессор, Қазақстан Республикасының Еңбек сіңірген қайраткері, Қазақ ұлттық хореография академиясы (Астана, Қазақстан).

   

  Бас редактор

  Толысбаева Ж.Ж. – филология ғылымдарының докторы, профессор, Қазақ ұлттық хореография академиясы (Астана, Қазақстан).

   

  Редакциялық алқа

  Кульбекова А.К. – педагогика ғылымдарының докторы, профессор, Қазақ ұлттық хореография академиясы (Астана, Қазақстан);

  Саитова Г.Ю. – өнертану кандидаты, профессор, Қазақстан Республикасының еңбек сіңірген әртісі, Қазақ ұлттық хореография академиясы (Астана, Қазақстан);

  Ізім Т.О. –  өнертану кандидаты, профессор, ҚазССР-ның еңбек сіңірген әртісі, Қазақ ұлттық хореография академиясы (Астана, Қазақстан);

  Жумасеитова Г.Т. –  өнертану кандидаты, профессор, Қазақ ұлттық хореография академиясы (Астана, Қазақстан);

  Фомкин А.В. - педагогика ғылымдарының кандидаты, доцент, Борис Эйфман би академиясы (Санкт-Петербург, Ресей);

  Таптыгова Е. – PhD, Баку хореография академиясы (Баку, Әзірбайжан);

  Дулова Е.Н. – өнертану докторы, профессор, Беларусь Мемлекеттік музыка академиясы (Минск, Беларусь);

  Туляходжаева М.Т. – өнертану докторы, профессор, Өзбекстан мемлекеттік өнер және мәдениет институты (Ташкент, Өзбекстан);

  Кривирадева Б.И. – PhD, қауымдастырылған профессор, "Сент-Клемент Охридский" атындағы София университеті (София, Болгария);

  Дзагания И. – филология ғылымдарының докторы, профессор, Сухум мемлекеттік университеті (Тбилиси, Грузия).

   

  Жауапты редактор

  Жунусов С.К. - Қазақ ұлттық хореография академиясы (Астана, Қазақстан);

• Жариялау ережелері

  Жариялау ережелері

  ЖУРНАЛҒА ЖАРИЯЛАУ ҮШІН ҰСЫНЫЛАТЫН МАТЕРИАЛДАРҒА ҚОЙЫЛАТЫН ТАЛАПТАР ТІЗІМІ

  Басылым келесі өзекті мәселелерге арналады:

  • би өнері тарихы,
  • хореография педагогикасы,
  • өнертану,
  • заманауи мәдениет,
  • өнер және білім менеджменті,
  • әлеуметтік-гуманитарлық ғылымдар.

  Басылымға ғалымдар, жоғарғы оқу орындары мен орта білім беру мекемелерінің оқытушылары, ғылыми-зерттеу мекемелерінің қызметкерлері, докторанттар мен магистранттар, сонымен қатар, жоғарыда көрсетілген мәселелер бойынша жұмыс жасап жүрген жоғары оқу орнының жоғарғы курс студенттері шақырылады.

  Мақала мәтіні электронды түрде және қағаз бетінде мына мекен-жай бойынша қабылданады: 010000, Астана қ., Ұлы дала даңғылы 9, Қазақ ұлттық хореография академиясы, Редакциялық-басылым бөлімі немесе e-mail: artsballet01@gmail.com

  Мақалаға қойылатын талаптар

  Мақала көлемі – 10 - 20 мыңға дейін таңба. Пішімі: компьютермен Microsoft Word (*.doc, *.docx, *.rtf кеңейтілімдерімен) пішімімен басылған; қаріп — Times New Roman немесе Times Kaz, негізгі мәтінде 14 кегль, ескертулерде, резюмелерде, суреттер мен кестелердің астындағы жазуларда — 12. Әр беттегі сілтемедегі ескертулер «Word» бағдарламасында «сілтеме» қызметін (ctrl+alt+f) қолдану арқылы қойылады. Жұмыс соңындағы ескертулер қолданбау. Жоларалық интервал — дара, барлық жағының жиегі — 2 см, ені бойынша түзету.

  Мақалада төмендегі мәліметтер болуы тиіс:

  1. ҒТАХР индексі (Ғылыми-техникалық ақпараттың халықаралық рубрикаторы: http://grnti.ru/) – бірінші беттің жоғарғы жағындағы сол жақ бұрышында.
  2. Бірінші бетте тақырыптың үстіңгі оң жағында – барлық авторлардың тегі мен аты-жөнінің бірінші әріптері (1 қосымшаны қараңыз).
  3. Тақырып беттің ортасында. Мақаланың атауы қысқа (10 сөзден артық емес), бірақ мағыналы болуы тиіс. Сондай-ақ, зерттеудің негізгі нәтижесін көрсетуі керек. Тақырып қаралау бас әріппен жазылады, қаріп көлемі 14, мақұлданған қысқартулардан басқа қысқартуларға жол берілмейді.
  4. Аннотация (10 сөйлемнен артық емес). Мақаланың тақырыптамасын, практикалық құндылығын, жаңалығын, негізгі қағидалары мен зерттеу қорытындыларын көрсетеді.
  5. Түйін сөздер: (5-7 сөз).
  6. Авторлар жайлы қысқаша мағлұмат (2 қосымшаны қараңыз).

  Мақала тақырыбы, авторлар жайлы мағлұматтар, аннотация және түйін сөздер 3 тілде ұсынылады: қазақ, ағылшын, орыс.

  Мақаланы автоматты түрде нөмірленген пайдаланылған әдебиеттер тізімі аяқтайды («Әдебиеттер» атауымен). Әдебиеттер дәйексөздерді келтіру ретімен жасалады. Мақала мәтінінде қолданылған әдебиеттің реттік нөмірі және беттің нөмірі үтір арқылы квадрат жақшада беріледі (Мысалы: [17, 25 б.], [3, 36 б.]). Библиографиялық жазба түпнұсқа тілінде жазылады (3 қосымшаны қараңыз).

  Пайдаланылған әдебиеттер тізімінен кейін роман әріптерімен жазылған әдебиеттер тізімінің (References) жеке топтамасы беріледі, шетелдік дереккөздердің бар-жоғына қарамастан пайдаланылған әдебиеттер тізімі орыс тілді бөлімге қайталанады. Егер тізімде шетелдік басылымдарға сілтеме болса, олар латын әліпбиімен жазылған тізімде толығымен қайталанады. http://www.translit.ru/ сайтында әр түрлі жүйелерді қолданып, орысша жазылған мәтінді латын әліпбиіне транслитерация жасайтын бағдарламаны тегін қолдануға болады.

  Кестелер мен суреттер негізгі мәтінге енгізілуі тиіс, сонымен қатар кез келген графикалық пішімде жеке файлмен қоса жіберілуі керек (JPEG, TIFF, BMP және т.б.). Барлық кестелер мен суреттердің астында жазуы мен нөмірі болуы керек (4 қосымшаны қараңыз).

  Азат жол 1,25 см бос жермен басталады (бірақ табуляция мен бос орын (пробел) көмегімен емес); азат жолдар аралығы – қалыпты, қаріптегі өзерістер курсвипен ерекшеленеді. Мақала тақырыбы – БАС ӘРІППЕН қаралау қаріппен (ортаға тураланған). Тақырыптың алдында – автордың аты-жөнінің бірінші әріптері мен тегі курсивпен, қалыпты кіші әріптермен: оң жаққа тураланған. Тақырыпшалар – қаралау қаріппен, тырнақшалар – типографиялық «», дәйексөз ішінде – қалыпты тырнақшалар “”. Балет терминдері французша жазылады (En dedans, Tendue, Leve). Даталар цифрмен белгіленеді: ғасырлар – рим цифрларымен, жылдар мен онжылдықтар – араб цифрларымен.

  Мақала авторлары мағлұматтың, дәйексөздердің, сілтемелердің және әдебиеттердің нақтылығы мен дәлдігіне толығымен жауапты.

  Редакциялық кеңес журналдың мәселелеріне және жоғарыда сипатталған талаптарға сәйкес келмейтін мақалаларды қарастырмайды.

  Мақала файлы бірінші автордың тегі мен аты-жөнінің бірінші әріптерімен аталуы тиіс (мысалы, Жуматов А.И.doc немесе Zhumatov A.I.doc). Мақала қолжазбасын мұқият салыстыра тексеріп, негізгі мәтіннің соңғы бетінде барлық авторлар қол коюы керек. Мақалалар жалпы редакцияланудан өтеді. Өткізілген мақалалар авторларға қайтарылып берілмейді.

  Барлық мақалаларды «Arts Academy» журналының редакциялық кеңесінің мүшелері немесе ғылым саласының сарапшылары рецензиялайды. Рецензиялаушыны редакция алқасы анықтайды. Рецензия авторлардың қолына берілмейді.

  Мақала авторларынан барлық мәліметтерді бір құжатпен (бір файлмен) жіберу және мақаланы рәсімдеу ережелерін сақтау сұралады.

  «ARTS ACADEMY» ЖУРНАЛЫНА АРНАЛҒАН МАҚАЛАЛАР БОЙЫНША ӘДІСТЕМЕЛІК ҰСЫНЫСТАР

  Құрметті Автор!

  «Arts Academy» журналының редакциялық алқасы басылым және оның авторларының алдында келесі мақсат қояды – халықаралық деңгейде танылу, Білім және ғылым саласындағы бақылау комитеті басылымдарының тізіміне, ғылыми басылымдардың беделді рейтінгісіне ену, дәйексөз алу көрсеткішінің жоғарғы деңгейіне жету (IMPACT-фактор, SCOPUS, Thomson Reuters), сондықтан мақаланы ресімдеу сапасына талаптар жоғары.

  Осыған орай Сіздердің назарларыңызды ғылыми зерттеудің сапасына және баяндалған мәлімет тілінің сапасына аударамыз: ағылшын тіліндегі мақалалар шетел ғалымдарымен рецензияланады, қазақ және орыс тілдеріндегі мақалаларды халықаралық және республикалық ғалымдар рецензиялайды. Жұмыс барысында рецензиялаушылар мақаланы түзетуге жібереді, түзетуді әр автор өзі жасауы тиіс.

  Кiрiспе

  Кіріспеде мәселенің ғылымдағы өзектілігін көрсету керек. Тәжірибелік маңызы да көрсетілуі тиіс. Міндетті түрде дүниежүзілік ғылымға қосатын үлесі жайлы жазу керек. Өзектілігі мақаланы жазу барысында ашылуы тиіс.

  Зерттеу әдістері

  Зерттеудің әдістерінің сипаттамасы. Тәжірибенің ұйымдастырылуы, қолданылған әдіс-тәсілдер, қолданылған ғылыми аппарат сипатталады, зерттеу объектісі жайлы толық мағлұмат беру. Кең таралған зерттеу әдістері: бақылау, сұрақ-жауап, тестілеу, тәжірибе, зертханалық тәжірибе, талдау, моделдеу, зерттеу және жалпылау.

  Тақырып бойынша әдебиеттерuге шолу

  Әдебиеттерге шолу жасау бөлімінде 5-10 дереккөздер қарастырып, авторлардың көзқарасын салыстыру; ағылшын тіліндегі дереккөздер де қарастырылуы тиіс.

  Зерттеу нәтижесі

  Зерттеудің мақсаты мен міндеттері. Зерттеу сипаттамасы. Автордың жаңашыл көзқарастарына назар аударылу керек. Ғылыми жаңалығы міндетті түрде сипатталуы керек (әлемдік ғылымды дамытуға арналған қағидалардың болуы да міндетті). Мақаланың тақырыбы сипатталуы керек. Отандық тәжірибені іске қосу қажет. Салыстыру үшін шетелдік тәжірибені де қарастыруға болады. Шетелдік тәжірибеден нені өз еліңізде қолдануға болатыны туралы қорытынды жасау. Отандық тәжірибенің дүниежүзілік ғылымға деген маңызы жайлы қорытынды жасау. Зерттеудің қандай нәтижелері қолданылуда? Алдағы уақытта нені қолдануды ұсынасыз? Зерттеу тақырыбыңыздың еліңізде және әлемде қандай келешегі бар?

  Қорытынды

  Қорытындыда мақаланың тұжырымдамасын келтіреміз. Қорытындыда мақаланың қағидалары қайталанбауы керек. Негізгі бөлімнің аналитикалық жалпы қорытындысы берілуі керек.

  Пайдаланылған әдебиеттер тізімі

  Әдебиеттердің рәсімделуінің халықаралық журналдар мен отандық журналдардан айырмашылығы жоқ. Әдебиеттердің 5-10 дереккөз болуы қажет. Оның ішінде соңғы 3 жылда шыққан мәліметтер 5-тен кем емес болуы керек. Шетелдік дереккөздердің саны 2-3-тен кем емес болуы тиіс. Егер ескі дереккөздер қолданылатын болса, жаңаларын қосу міндетті. Пайдаланылған әдебиеттер тізімін рәсімдеу орыс тілінде, бірақ латын әріптерімен транслитерация жасалуы тиіс.

  Қосымша 1.

  Мақаланың бірінші бетін рәсімдеу мысалы

  ҒТАХР 18.49.01

  Г.Ю. Саитова¹

  ¹Қазақ ұлттық хореография академиясы

  (Астана, Қазақстан)

  ҰЛТТЫҚ БИ ДӘСТҮРДІ САҚТАУ

  ЖƏНЕ ЖАЛҒАСТЫРУ ФАКТОРЫ РЕТІНДЕ

  Аннотация

  Мақала ұлттық би мен халықтық көркем шығармашылығы мәселесі сөз болады. Автор би фольклорының рөлі мен маңызын, би мұрасын сақтау мәселесін зерттейді. Салыстырмалы талдау арқылы Шығыс пен Батыстың елдерін байланыстыратын трансқұрлықтық бағытта (Ұлы Жібек жолында) өмір сүрген халықтардың би дәстүрлерін салыстырады.

  Түйін сөздер: фольклор, ұлттық би, этномәдениет, дәстүрлер, ритмдік формула балетмейстері.

  Қосымша 2. Авторлар жайында қысқаша мағлұмат

  Аты-жөні (толық)
  Мақала тақырыбы
  Ғылыми дәрежесі
  Ғылыми атағы
  Жұмыс немесе оқу орны
  Ғылыми жетекшісі
  Ғылыми жетекші атағы, дәрежесі
  Телефоны
  E-mail

  Қосымша 3.

  Әдебиеттер.

  Рәсімдеу мысалдары

  Журнал

  1. Пак Н.С. Социологические проблемы языковых контактов // Вестник КазУМОиМЯ. Серия Филология. – 2007. – № 2(10). – С. 270-278.

  Кітаптар

  1. Назарбаев Н.А. В потоке истории. – Алматы: Атамура, 1999. – 296 с.
  2. Павлов Б.П. Батуев С.П. Подготовка водомазутных эмульсий для сжигания в топочных устройствах // В кн.: Повышение эффективности использования газообразного и жидкого топлива в печах и отопительных котлах. – Л.: Недра, 1983. – 216 с.

  Жинақтар

  1. Абусеитова М.Х. История Центральной Азии: концепции, методология и новые подходы // Матер. междунар. науч. конф. «К новым стандартам в развитии общественных наук в Центральной Азии». – Алматы: Дайк-Пресс, 2006. – С. 10- 17.

  Заңнамалар

  1. Постановление Правительства Республики Казахстан. Об утверждении Плана первоочередных действий по обеспечению стабильности социально-экономического развития Республики Казахстан: утв. 6 ноября 2007 года, № 1039 // ИС ПАРАГРАФ. – 2009, октябрь – 20.
  2. Указ Президента Республики Казахстан. «О государственных премиях Республики Казахстан в области науки и техники имени Аль-Фараби, литературы и искусства»: утв. 21 января 2015 года, № 993 (с изменениями от 10.10.2016 г.)

  Газеттер

  1. Байтова А. Инновационно-технологическое развитие – ключевой фактор повышения конкурентоспособности // Казахстанская правда. – 2009. – № 269.

  Стандарттар

  1. ГОСТ 7.1–2003. Библиографическая запись. Библиографическое описание. – Взамен ГОСТ 7.1–84, ГОСТ 7.16–79, ГОСТ 7.18–79, ГОСТ 7.34–81, ГОСТ 7.40–82; введ. 2004– 07–01. – М.: Изд-во стандартов, 2004. – III, 48 с. – (Система стандартов по информации, библиотечному и издательскому делу).

  Электрондық дереккөздер

  1. Российская государственная библиотека/ Центр информ. технологий РГБ; ред. Власенко Т. В.; Web-мастер Козлова Н. В. – М.: Рос. гос. б-ка, 1977. http//www.rsl.ru. (Интернет ресурсы: қараған күні 14.12.17 уақыты 18:40)

  ЖАРИЯЛАНБАҒАН ҚҰЖАТТАР

  Ғылыми-зерттеу жұмыс есебі

  1. Формирование и анализ фондов непубликуемых документов, отражающих состояние науки Республики Казахстан: отчет о НИР (заключительный) / НЦ НТИ: рук. Сулейменов Е.З.; исполн. Кульевская Ю.Г. – Алматы, 2008. – 166 с. – № ГР 0107РК00472. – Инв. № 0208РК01670.

  Диссертациялар

  1. Избаиров А.К. Нетрадиционные исламские направления в независимых государствах Центральной Азии: дис. … д. и. н.: 07.00.03 / Институт востоковедения им. Р.Б. Сулейменова. – Алматы, 2009. – 270 с. – Инв. № 0509РК00125.

  Транслитерация (лат.):

  1. Gromov S.P., Fedorova O.A., Ushakov E.N., Stanislavskii O.B., Lednev I.K., Alfimov M.V. Dokl. Akad. Nauk SSSR, 1991, 317, 1134-1139 (in Russ.).

Журнал нөмірлері