«Arts Academy» журналының редакциялық саясаты ғылыми қызмет этикасымен тығыз байланысты. Редакциялық саясатта ғалымдардың өз жұмыстарын дайындау кезінде ұстануы тиіс принциптер мен талаптардың кешені баяндалады.
«Arts Academy» журналын рецензияланатын және дәйексөз келтірілетін журналдардың қатарына қосу жоспарланған, бұл редакциялық алқаны маңызды моральдық-этикалық принциптер мен ұйымдастырушылық нормаларды сақтауға міндеттейді.
«Arts Academy» журналының редакциясы ғылыми жарияланымдардың халықаралық этикалық стандарттарын басшылыққа алады. Оларға Ғылыми жарияланымдар этикасы комитетінің (Committee on Publication Ethics/COPE) ұсыныстары, Ғылыми жарияланымдар этикасы бойынша нұсқаулықтың (Publishing Ethics Resource Kit) принциптері, сондай-ақ Қазақстан Республикасы Ғылым және жоғары білім министрінің 2024 жылғы 20 қарашадағы № 529 бұйрығымен бекітілген Ғылыми этиканың үлгілік ережелері жатады.
Редакция зерттеу қызметінің этикалық нормаларына, құндылықтарына және принциптеріне адал. Редакцияға келіп түскен қолжазба құпия құжат ретінде қаралады. Редакция және редакциялық алқа қабылданған қолжазба туралы ақпаратты рецензенттерден басқа тұлғаларға ашпайды.
Редакция авторлар жіберген мақалаларды қабылдап, журнал тақырыбына, мақаланы рәсімдеу талаптарына сәйкестігін талдайды. Егер қолжазба талаптарға сәйкес келмесе, ол авторға(ларға) түзетуге жіберіледі. Журнал редакторлары қолжазбалардың интеллектуалды мазмұнын авторлардың нәсіліне, жынысына, жыныстық бағытына, діни көзқарасына, шығу тегіне, азаматтығына немесе саяси көзқарастарына қарамастан, бірдей бағалайды. Рецензенттерге «Мақаланы рәсімдеу талаптары» бөлімінде көрсетілген стандарттарға сәйкес рәсімделген жұмыс жіберіледі.
Редакция тиісті біліктілігі немесе жұмыс тәжірибесі бар рецензенттерді табады. Мақаланың рецензиялау процесі ғылыми сала ерекшеліктерін және мамандар санының аздығын ескере отырып, барынша дұрыс ұйымдастырылады. Рецензиялау үшін Қазақстан мен шетелдік мамандарды тартуға тырысады. Қосарланған соқыр рецензиялау шартына сәйкес, редакция автордың рецензенттер үшін, рецензенттердің автор үшін толық анонимділігін сақтайды. Рецензенттер қолжазбадан алынған мәліметтерді болашақ қызметінде пайдаланбауға міндеттеледі.
Редакция мақалаға екі рецензенттің оң бағасы болған жағдайда, оны жариялауға қабылдайды. Егер рецензенттердің бағасы қарама-қайшы болса (бір оң және бір теріс), редакциялық алқа екі тараптың дәлелдерін қарап, мақала мен оның түзету нұсқалары бойынша ұжымдық шешім қабылдайды және авторды хабардар етеді.
Егер маңызды мәселелер анықталса, редакция жарияланымды тоқтату туралы шешім қабылдауы мүмкін: автордың этикаға сай емес мінез-құлқы, қателер немесе жаңылыстыратын мәлімдемелер, мақала материалдарын бір мезгілде басқа ғылыми жинаққа ұсыну туралы ақпарат (мұндай жағдайда редакция мақаланың қатар жарияланған журналына немесе жинағына тоқтату себебі туралы хабарлама жібереді). Қолжазбаны қарау немесе баспаға дейінгі дайындық кезінде автордың этикаға қайшы әрекеттері анықталса, редакция қолжазбаны одан әрі қараудан алып тастауға және автормен ынтымақтастықты тоқтатуға құқылы (автордың этикаға қайшы мінез-құлқы туралы білім беру мекемесінің басшысына немесе жұмыс берушісіне хабарлама жіберіледі). Егер мақаласы жарияланғаннан кейін автордың этикаға қайшы әрекеті анықталса (параллель жарияланым, авторлық құқықты бұзу, плагиат және т.б.), редакция мақаланы журнал сайтынан, мұрағаттау және ғылыми индекстеу деректер базасынан алып тастау туралы шешім қабылдауға құқылы.
Редакциялық этика жаңартылған жағдайда, редакция бұл туралы ақпаратты сайттың тиісті бөлімдерінде орналастырады.
Ғылыми журналдың редакциялық саясатының негізгі принциптері
Журнал редакциясы жариялануға жіберілген жұмыстардың иелерінің авторлық құқықтарын құрметтейді, олар келесі заңдар жинағымен қорғалған:
«Arts Academy» журналының редакциялық алқасы авторлық құқықты сақтай отырып, авторлардың этикалық талаптарын және Creative Commons Attribution License шарттарын міндетті түрде орындауды талап етеді, бұл жұмыс авторлығын және түпнұсқа жарияланымға сілтемені сақтай отырып, кеңінен таратуға мүмкіндік береді.
